Жисмоний тарбия ва спорт вазирлиги - «2020 йилнинг энг намунали вазирлиги» номинациясида совриндор бўлди

Таъкидлаш керак, сўнгги йилларда мамлакатимизда спорт инфратузилмасини янги босқичга олиб чиқишга қаратилган кенг кўламли ишлар амалга оширилмоқда.

Муҳими, жисмоний тарбия ва спортга берилаётган эътибор орқали миллат генофондини соғломлаштиришга алоҳида эътибор қаратилмоқда. Соғлом миллат эса кўп нарсага қодир бўлади.

Карантин даврида халқимизни уй шароитида жисмоний тарбия ва спорт билан мунтазам шуғулланишга даъват этиш мақсадида қатор челленжлар ўтказилди ва бу жараён ҳамон давом этмоқда.

Жорий йилда аҳолининг турли қатламларини қамраб оладиган оммавий спорт тадбирларига кенг ўрин берилади. Мақсад аниқ — юртдошларимиз орасида фаол соғлом турмуш тарзи кўникмасини шакллантириш, аҳоли саломатлигини янада мустаҳкамлаш.

«Йил танлови» сўровномаси ғолиб ва совриндорларини тақдирлаш маросимида Жисмоний тарбия ва спорт вазирининг биринчи ўринбосари Равшан Эрматов ҳам иштирок этди ва махсус совринни қабул қилиб олдилар.

Ўз навбатида Жисмоний тарбия ва спорт вазирлиги аввало ушбу юксак эътирофни оқлаш, қолаверса ҳукуматимиз томонидан жисмоний тарбия ва спорт соҳасига берилаётган эътиборга муносиб жавоб қайтариш йўлида астойдил хизмат қилади. Умид қиламизки, 2021 йилнинг энг йирик ва муҳим мусобақаси - Токио олимпиадасида Ватанимиз спортчилари ҳар қачонгидан муваффақиятли иштирок этган ҳолда аввало юртбошимиз, қолаверса халқимиз ишончини оқлайди.