Жокович фаолиятидаги энг аламли мағлубиятни айтди

"Бу мағлубиятни Рио-2016 Олимпиадасида Хуан Мартин Дель Потродан қабул қилиб олгандим. Мен Бразилиядаги олимпия ўйинларини узоқ кутгандим ва бу мусобақадан умидим катта эди. Ўша пайтда дунёнинг биринчи ракеткаси эдим ва қаторасига тўртта "Катта Дубулға" турнирида бош совринни қўлга киритгандим. 

Қолаверса, Олимпиада пайтига келиб натижа, ўзимни ҳис қилишим нуқтаи назаридан юқори спорт формамда эдим. Тўрт йиллик мусобақасининг олтин медалини қўлга киритиш учун энг оптимал вақт эди ўшанда. Потродан қабул қилинган мағлубият қалбимни чилпарчин қилганди. Ўзингиз ўйланг Олимпиадада ҳар бир спортчи ўз мамлакати шарафини ҳимоя қилади. Энди бор умидим Токио Олимпиадасидан", - дея Жоковичнинг сўзларини келтирмоқда In Depth.