06 ноя 10:30
Янгиликлар

Теннис

Жокович Париж "Мастерс" ярим финалчиси

Франция пойтахти Париж шаҳрида теннис бўйича "Мастерс" сериясига кирувчи нуфузли турнир давом этмоқда.

Сайёрамизнинг биринчи ракеткаси Новак Жокович Rolex Paris Masters турнирининг ярим финалига йўл олди. Сербиялик теннис юлдузи 74 дақиқа давом этган чорак финал учрашувида рейтингнинг 26-поғонасидан жой олган америкалик Тэйлор Фритцни мағлубиятга учратди - 6/4, 6/3.

Новак баҳс давомида 8 та, Тэйлор эса 5 та эйс зарбасини ижро этди. Теннисчиларнинг ўзаро учрашувларида Жокович ҳисобни янада йириклаштирди - 5:0. Энди Новак Жокович финал чиптаси учун польшалик Хуберт Гуркачга қарши кортга чиқади.