Жоковични мағлуб этган Карацевнинг финалдаги рақиби маълум

Serbia Open турнирининг бош соврини учун баҳсда дунёнинг 10-ракеткаси Маттео Берреттини ҳамда россиялик Аслан Карацев ўзаро тўқнаш келишади. Аслан ярим финалда сайёрамизнинг биринчи ракеткаси Новак Жоковични мағлуб этган эди.   

Икки соату 7 дақиқа давом этган иккинчи ярим финалда италиялик теннисчи рейтингнинг 126-поғонасидан жой олиб турган япониялик Таро Даниэлни таслим этди - 6/1, 6/7(5), 6/0. Маттео 10 та, Таро эса 1 та эйс зарбасини амалга оширди. Теннисчиларнинг ўзаро учрашувларидаги ҳисоб тенглашди - 1:1.