Карен Хачанов Вена турнири 1/2 финалига чиқди

Дунёнинг 24-ракеткаси Карен Хачанов мусобақанинг ярим финал иштирокчисига айланди. Россиялик теннисчи 1/4 финалда рейтингнинг 41-поғонасида бораётган италиялик Маттео Берреттинини 6/1, 6/4 ҳисобида енгди. Карен теннисчиларнинг ўзаро учрашувларида илк бор Берреттинини таслим этди - 1:4. 

Роппа-роса 80 дақиқа давом этган баҳсда Хачанов 5, Берреттини 6 та эйс зарбасини амалга оширди. Иккала теннисчи ҳам қўшхатога йўл қўймади. Брейклар бўйича мутлақ устунлик табиийки, ғолиб теннисчи томонида бўлди - 3 га 0! Хачанов кетма-кет еттинчи ғалабасини қўлга киритди. Бугун Карен 1/2 финалда австралиялик Алекс Де Минаурга қарши кортга чиқади.