22 июн 15:48
Янгиликлар

Теннис

Қозоғистонлик ҳафта "шов-шув"чиси Галле турнири финалида

Стартдаёқ дунёнинг биринчи ракеткаси Янник Синнерни мусобақадан чиқариб юборган Александр Бублик Галле турнирнинг финалига йўл олди.

Қозоғисонлик теннисчининг бу галги "қурбони" Карен Хачанов бўлди. ATP рейтингида 45-поғонада бораётган Бублик 1/2 финалда дунёнинг 22-ракеткаси бўли турган россиялик рақибини 4/6, 7/6(5), 6/4 ҳисобида мағлубиятга учратди. Бу билан Бублик теннисчиларнинг ўзаро учрашувларидаги ҳисоб мувозанатини ҳам тиклаб қўйди - 1:1.

Икки соату бир дақиқа давом этган баҳсда Хачанов 15, Бублик 19 та эйс зарбасини амалга оширган. Иккала ракетка устаси ҳам 1 тадан брейкка эришган. Бугун Бублик Terra Wortmann Open бош соврини учун яна бир рус теннисчиси Даниил Медведевга қарши кортга чиқади.