Жордан Томпсон фаолиятидаги илк совринга эга чиқди

Дунёнинг 40-ракеткаси бўлиб келган Яшил қитъа вакили финал баҳсида дунёнинг 12-ракеткаси, норвегиялик Каспер Руудни мағлубиятга учрата олди - 6/3, 7/6(4). Жордан ушбу ғалабаси эвазига теннисчиларнинг ўзаро учрашувларида ҳисобда олдинга чиқиб олди - 3:2. 

Икки соату 4 дақиқа давом этган баҳсда Томпсон 7 та эйс, 1 та қўшхато, 3 та брейкка эришди. Томпсон фаолиятидаги илк совринни айнан Лос-Кабосда қўлга киритди. Муваффақиятли иштирок унга 250 рейтинг очкоси ҳамда 139,190 доллар келтирди. Рууд эса 165 очко ва 81,195 долларлик бўлди.