Жорж Сен-Пьерр Ислам Махачев ҳақида: "Ҳаммасини ўз кўзим билан кўрдим"

Икки вазнда собиқ UFC чемпиони канадалик Жорж иккинчи вазн тоифасида чемпионлик камарини қўлга киритган Ислам Махачевнинг чиқишидан жуда таъсирланибди.

"Ўйлайманки, Ислам Махачев ҳозирги вақтда вазн тоифасидан қатъи назар энг яхши жангчи ҳисобланади, - деди Сен-Пьерр. - Мен унинг охирги жангида бўлдим, ҳаммасини ўз кўзим билан кўрдим. Бу жуда ажойиб эди. Ақл бовар қилмайди. Менимча, у бирорта ҳам зарба ўтказиб юбормади. Ҳатто ишониш ҳам қийин. Кўпчилик "фу, ғалаба ҳакам қарори билан" дейди. Бу одамлар жанг санъатида ҳеч нарсани тушунишмайди. Унинг чиқиши шунчаки ҳайратланарли эди. Ҳа, нокаут ёки ажойиб усул билан ғалаба қозонмади, лекин у янги вазн тоифасига кўтарилиб, Жек Делла Маддаленани сўзсиз мағлуб этиб, жуда қийин вазифани ҳал қилди".

Эслатиб ўтамиз, Ислам Махачев Делла Маддаленани беш раунд тўлиқ давом этган чемпионлик жангида ҳакамларнинг якдил қарори билан (50:45, 50:45, 50:45) мағлубиятга учратганди.