16 апр 08:48
Янгиликлар

Бокс/ММА

Жошуага икки жанг таклиф қилинди, биттаси Тайсон билан

Саудиялик магнат Турки Ал аш-Шайх ва унга алоқадор ташкилотлар супероғир вазн тоифасида собиқ жаҳон чемпиони Энтони Жошуага икки жанг учун шартнома таклиф қилди.

Бу ҳақда промоутер Эдди Хирн маълум қилди.

"Бизга июль ойида жанг қилиш учун шартнома таклиф этишди. Кейин эса ноябрь ойида Тайсон Фьюри билан жанг ҳам беришди", - деди Хирн. У бу келишув июль ойида Жошуага собиқ WBC чемпиони Деонтей Уайлдер рақиб бўлишини назарда тутмаслигини ҳам айтди. — Ўйлайманки, шу йўлдан борамиз. Агар мен ташкилотчи бўлганимда, аввал Деонтей Уайлдер, кейин эса Тайсон Фьюри билан жанг қилган бўлардим. Аммо ушбу таклиф доирасида Фьюри билан жанг асосий ҳисобланади. Биз Уайлдер билан ҳеч қандай муаммосиз учрашган бўлардик, лекин бу келишув доирасида Деонтей рақиб бўлади деб ўйламайман", - деди промоутер.

Аввалроқ Эдди Хирн Уайлдер Жошуа учун Фьюри билан жанг олдидан яхши машқ бўлишини айтган эди.