15 авг 09:43
Янгиликлар
Бокс/ММА
Жошуанинг промоутери Руиснинг реванш жанги ҳақидаги фикрига муносабат билдирди
Супероғир вазн тоифасида собиқ жаҳон чемпиони Энтони Жошуанинг промоутери Эдди Хирн WBA, IBF ва WBO йўналишлари чемпиони Энди Руиснинг реванш жангининг Саудия Арабистонида ўтказилмаслиги ҳақидаги гапига жавоб қайтарди.
Мексикалик жаҳон чемпиони Жошуага қарши реванш жанги Саудия Арабистонида эмас, аксинча биринчи жанг каби АҚШда ўтказилишини истаяпти.
“Реванш учун шартномага биринчи жанг олдидан имзо чекилган. Бошқа ҳеч қандай шартнома йўқ. Бизнинг вазифамиз ва мажбуриятимиз Руисни жанг манзили, санаси ва вақти борасида хабардор қилиш. Биз ўз вазифамизни бажардик.
Реванш бўйича шартномага имзо чекилган. Энди уни бажариш қолган. Ҳар қандай тўхталиш ва вақтни чўзиш Руиснинг зарарига ишлайди. У бунинг натижасида чемпионлик камарларини жангсиз топширади. Кейин суд жараёнлари бошланади. Ўйлайманки, Руисга бундай маш-маша керак эмас”, - дея Хирннинг сўзларини келтирмоқда Sky Sports.
Ҳавола :
Фикрлар