Камару Усман Ислам Махачев билан жанги нима учун ўтказилмаганини тушунтирди

"Кейинги жангим Ислам билан бўлади деб ўйлагандим, лекин афсуски, компаниянинг таъсири катта ва матчмейкерлар буни [Махачев - Гарри ўртасидаги жангни ташкил этиш] ажойиб имконият деб қарор қилишди. Аммо менга чемпионлик жангини бермоқчи бўлмасангиз, камарни қўлга киритишимга имкон берадиган жангни беринг", - деди Усман матбуот анжуманида.

Айни пайтда Усман 39 ёшда. Нигериялик жангчининг профессионал рекордида 21 та ғалаба (тўққизтаси нокаут) ва тўртта мағлубият бор. Камару ММАда 2012 йилда дебют қилган.

Ҳозирда Ислам Махачев UFC’да 16 та ғалабадан иборат серияга эга. Унинг ҳисобида жами 28 ғалаба ва битта мағлубият бор. У Нью-Йоркдаги UFC 322 турнирида австралиялик Жек Делла Маддаленани очколар ҳисобига кўра мағлубиятга учратиб, ярим ўрта вазн тоифасида UFC чемпионлик унвонини қўлга киритганди.