Камару Усман - Леон Эдвардс жангига захира варианти айтилди

Оқшом доирасида яримўрта вазн тоифасида амалдаги чемпион, британиялик Леон Эдвардс ушбу камарнинг собиқ соҳиби Камару Усманга қарши октагонга кўтарилади. Очколар ҳисобига кўра ютқазаётган Леон жанг якунланишига бир неча сония қолган бир пайтда нокаут эвазига ғалабани илиб кетган эди.

Маълумотларга қараганда, Усман 18 март кунги жанггача жароҳатидан тўлиқ фориғ бўлиб улгурмаслиги мумкин. Бу ҳолатда унинг ўрнини кетма-кет учта жангда ютқазган (иккитаси чемпионлик жанги) Хорхе Масвидал эгаллаши мумкин экан. 

Бу жангга қизиқиш юқори. Бунга сабаб ҳам бор. Леон ва Хорхе 2019 йилнинг март ойида айнан Лондонда ўтган UFC Fight Night 147 турнири доирасида октагондан ташқарида уришиб кетишган ва Эдвардс ҳатто жароҳат ҳам олганди. Шундан сўнг ташкилот Леон - Хорхе жангини ташкил этишга уринди. Ўтган йили улар октагонда рўбарў келишлари керак эди. Аммо Масвидалнинг жароҳати бунга имкон бермаганди.