Камару Усман Хамзат Чимаевга "вызов" ташлади

Бу билан у Хамзат Чимаевга қарши жанг ўтказиш ниятида эканини ошкор этмоқда. 

"Ўйлашимча, Леон Эдвардс чемпионлик камарини ўзида сақлаб туради. Ҳар қандай ҳолатда ҳам мен ўзимни дивизионнинг энг кучлиси деб биламан. Бизда ким иккинчи рақамли жангчи? Колби? У Леон билан жанг қилади. Ким учинчи? Хамзат. Айнан мен у билан жанг қилишим керак. Унгача Леон камарни ўзида сақлаб қололса, у ҳолда бизнинг тўртинчи жангимиз ҳам ўтказилади", - дея ESPN каналига интервью берган нигериялик.

Эслатиб ўтамиз, ўтган йилнинг август ойида Камару Усман айнан Леон Эдвардсга бешинчи раундда имкониятни бой бериб, камаридан маҳрум бўлган эди. Орадан етти ой ўтиб, Эдвардс реванш жангида яна ғалаба қозонди. 

Хамзат Чимаев ҳозирда UFC промоушенида 6 та ғалабали серия билан кетмоқда. У кейинги жангини катта эҳтимол билан 21 октябрь куни Абу-Даби шаҳрида ташкил этиладиган UFC 294 турнири доирасида бразилиялик Пауло Костага қарши ўтказади.