Камару Усманнинг мағлубияти ҳамда бешта "финиш" қайд этилган UFC Fight Night 281 турнирининг барча натижалари

UFC Fight Night 281 турнирининг асосий жанги ўрта вазн тоифасида ташкил этилиб, унда Жанубий Африка Республикаси вакили Дрикус Дю Плесси ўзи сингари собиқ ташкилот чемпиони нигериялик Камару Усманни ҳакамларнинг якдил қарори билан 50-45, 49-46, 49-46 ҳисобларида мағлуб этди. 

Ўтган йилнинг август ойида Хамзат Чимаевга қарши баҳсда чемпионлигини бой берганидан бери биринчи марта октагонга қайтган Дрикус Дю Плесси жангдан кейинги интервьюсида камарни қайтариб олиш ниятида эканини айтди.

Турнирнинг co-main event, яъни аҳамияти жиҳатидан иккинчи муҳим жанги ҳам ўрта вазн тоифасида ўтказилди. Унда Кристиан Лерой Данкан Жаред Каннонир билан ҳисоб-китоб қилди. Тўлиқ уч раунд давом этган баҳсда Данкан номдор рақибини ҳакамларнинг якдил қарори эвазига мағлубиятга (29-28, 30-27, 30-27) учратди. Бу Кристиан Леройнинг кетма-кет қўлга киритган бешинчи ғалабаси бўлди.  

Бошқа натижалардан Чейз Хупер, Томми МакМиллен, Фелипе Франко, Ричард Харрис ва Диони Барбосанинг муддатидан олдин ғалабаларини қайд этиш мумкин.

UFC Fight Night 281 турнирининг барча натижалари:

Асосий кард жанглари

Дрикус дю Плесси Камару Усманни очколар ҳисобига кўра ютди (50-45, 49-46, 49-46)

Кристиан Лерой Данкан Жаред Каннонирни ҳакамларнинг якдил қарори билан таслим этди (29-28, 30-27, 30-27)

Чейз Хупер Митч Рамирезни сабмишн (ортдан бўғиш) қилди – 1-раунд, 2:15

Фатима Клайн Табата Риччини очколар бўйича мағлубиятга учратди (30-27, 30-27, 30-27)

Томми МакМиллен Альберто Монтесни техник нокаут эвазига мағлуб этди (зарбалар) – 3-раунд, 3:29

Прелим кард жанглари

Хосе Дельгадо Остин Башани очколар ҳисобига кўра енгди (30-27, 29-28, 29-28)

Жан-Поль Лебоснояни Сок Хён Кони ҳакамлар қарорига кўра таслим этди (29-28, 29-28, 29-28)

Фелипе Франко Леви Родригесни техник нокаут (зарбалар) қилди – 2-раунд, 1:40

Эзра Эллиотт Дэмиен Андерсонни очколар ҳисобига кўра мағлубиятга учратди (30-27, 29-28, 29-28)

Олден Кориа Стюарт Николл устидан зафар қучди (29-28, 30-27, 30-27)

Ричард Харрис Элвин Хайнсни техник нокаут (зарбалар) эвазига ютди – 1-раунд, 1:40

Диони Барбоса рақибаси Анна Мелисанони сабмишн (ортдан бўғиш) қилди – 1-раунд, 4:04