Камол Муродовни табриклаймиз!

Камол Муродов - 1974 йил 29 ноябрь куни дзюдочилар "ватани" ҳисобланган Бухоро вилоятининг Олот туманида дунёга келган. Кураш ва дзюдо билан профессионал тарзда шуғулланиб, айтишга арзигулик ютуқларга эришган. 

Бугунги кун қаҳрамони дзюдо бўйича Ўзбекистон чемпиони (1994, 1995, 1997-2001), Осиё ўйинларининг бронза медали совриндори (1998, Бангкок), Осиё чемпионати кумуш медали соҳиби (2000, Осака, Япония), Гран-при мусобақалари ғолиби (1998, Мюнхен; 1999 Нью-Йорк; 2000, Тунис). 

Муродов кураш бўйича Ўзбекистоннинг мутлақ чемпиони (1997) ҳисобланади. У 1998 йили пойтахтимизда Ўзбекистон Президенти соврини учун ўтказилган халқаро мусобақада вазни 90 кг бўлишига қарамай, украиналик 205 килограмлик Валентин Росляковни мағлуб этиб, бош соврин соҳибига айланган. 1999 йилда кураш бўйича биринчи жаҳон чемпиони бўлган. (https://olamsport.com/upload/storage/144267_original.jpg) 

Ўзбекистон дзюдо федерацияси раҳбарияти, мураббийлар, дзюдочилар номидан Камол Муродовни бугунги шукрона куни билан муборакбод этамиз. У кишига соғлиқ-саломатлик, узоқ йиллар фарзандлари камолини кўриб юришларини тилаймиз.