Камончиларимизнинг сўнгги лицензион турнирдаги таркиби аниқ

Таъкидлаш жоиз, бу мазкур спорт турида Олимпиада йўлланмалари ўйналадиган сўнгги старт ҳисобланади. Ўзбекистон камондан отиш федерацияси унда иштирок этадиган мерганларимиз номини эълон қилди. 

Унга кўра, жамоавий ва яккалик дастурларидаги йўлланмалар ўйналадиган мусобақада 6 нафар мерганимиз иштирок этади. Улар орасида Яо Юй Чен исм-шарифли мерганни ҳам кўришимиз мумкин. Суриштириб кўрсак, унинг миллати хитойлик экан. Дарвоқе, 2005 йил Тошкентда туғилган Яо ўзбек тилида гаплаша олади.  

Терма жамоа таркиби: 

Эркаклар: Амирхон Содиқов, Шоҳжаҳон Абдулҳамидов, Яо Юй Чен;

Аёллар: Зиёдахон Абдусатторова, Нилуфар Ҳамроева, Жасмина Нурманова.

Эслатиб ўтамиз, терма жамоамиз таркибида Зиёдахон Абдусатторова Осиё лицензион турниридаги муваффақиятли иштироки орқали ўзбек спорти тарихида биринчи бор яккалик дастурида йўлланма қўлга киритиб улгурган.