Канело Де Ла Хойя ҳақида: "Агар у ёнимга келганида зарба бериб қолган бўлардим"

Канелонинг Хайме Мунгияга қарши жангига бағишлаб ўтказилган матбуот анжуманида боксчи собиқ промоутери билан уришиб кетишига оз қолди.

"У мени ҳақорат қилди ва мен буни шунчаки эшитиб ўтирмоқчи эмасман. Агар у мен томон келганида зарба бериб қолган бўлардим. Жиддий айтяпман. У ўз жангчисига тупуриб қўйган - барча эътиборни ўзига қаратмоқчи бўлади.

У Мунгияга, бу боксчи фаолиятидаги энг зўр ҳафта эканлигига тупуриб қўйган. Хаймени фаолиятидаги энг катта жанг кутаётгани ҳам унга бир тийин. Оскар фақат ўзи ҳақида ўйлайди", - деди Сауль Альварес.

Маълумот учун, Сауль Альварес бир пайтлар промоутер Оскар де ла Хойя билан ҳамкорлик қилган. Бироқ, тушунмовчиликлар сабаб улар ҳамкорликни тугатишган.