Каратэ. Франциялик таниқли инструктор Хасин Хаддад Тошкентга келади

2020 йилги Олимпияда ўйинлари дастуридан ўрин олгани эса бунинг исботи албатта. Шу боисдан кўплаб ёшлар, ўсмирлар ва болакайлар келажакда соғлом, бақувват бўлишлари учун карате спорт тури билан шуғулланишмоқда.

Шу муносабат билан Миллий Олимпия Қўмитаси ва ЎКМФ томонидан каратени ривожлантириш, уни аҳоли орасида янада оммалаштириш йўлида иш олиб бормоқда. Қуйидаги ажойиб ишлар эса бу йўлдаги катта қадам бўлади.

Европа ва Жаҳон чемпионларини тарбиялаган, шунингдек, ўзи ҳам кўплаб юксак совринларни қўлга киритган, ҳозирда карате инструктори бўлиб ишлаётган машҳур Хасин Хаддад ЎКМФ рахбариятининг таклифига кўра Ўзбекистонга ташриф буюради.

Буни Ўзбекистон ва Франция давлатлари спорт алоқаларининг ўзаро ҳамкорлиги меваси деб айтсак бўлади. Хаддад яқин кунларда мастер-класс ўтказиш, терма жамоа аъзолари билан ишлаб, уларни Олимпиадага тайёрлаш йўлларини ўргатиш учун Тошкентга етиб келади.

Фаолияти давомида катта ютуқларга эришган Хаддад ўзбек каратеси довруғини янада ошириб, спортчиларнинг ютуқларини сезиларли ошишида катта туртки бўла олади. Зеро машҳур Хасин Хаддаднинг олдида барча каратечилар ўзларини кўрсатишга интилишади.

Ўзбекистон каратэ миллий федерацияси матбуот хизмати