19 июл 14:22
Янгиликлар

Каратэ

Каратэ. Икки каратэчимиз Осиё чемпионатининг финалига йўл олди

Тошкент шаҳрида каратэ бўйича Осиё чемпионати бошланди.

Бугун бир неча вазн тоифаларида жанглар ўтказилмоқда. Қувонарлиси, аёллар ўртасида -50 кг вазн тоифасида юртимиз шарафини ҳимоя қилаётган Баҳринисо Бабаева мусобақа давомида Қозоғистон, Филиппин ва Хитой Тайпейи вакилларини мағлубиятга учратиб, финалга йўл олди. Энди у олтин медаль учун япониялик Михо Мияхарага қарши татамига чиқади. Финал жанги эртага ташкил этилади.

-55 кг вазнли каратэчимиз Севинч Раҳимова эса Осиё чемпионати давомида Иордания, Макао, Қирғизистон ҳамда Малайзия вакилларини мағлуб этиб, финалга йўл олди. Энди у эртага олтин медаль учун эронлик каратэчига қарши жанг қилади

Ўзбекистон каратэ Миллий федерацияси матбуот хизмати