UZ

Сўнгги янгиликлар

12:442014 йилги ЖЧ ғолиби Гросскройц фаолиятини якунлади 0 12:23Хоразмда велоспорт бўйича «Ҳоким кубоги» мусобақаси йўлга қўйилади 0 12:02Пакьяо Конорга қарши жанг қилиш фикридан қайтдими? 0 11:41Чендлерга Хабибнинг гаплари ёқмади 0 11:20Қишки трансферлар ойнасидаги энг қиммат трансферлар (Топ-10) 0 10:53Порье: Чендлерга қарши жанг қизиқ эмас 0 10:32Маҳмуд Мурадов ғалабадан сўнг анъанавий фотосессияда қатнашди (ФОТО) 0 10:11Ковалёвнинг яна битта допинг-пробаси текшириб кўрилди 0 09:52Бентеке "Кристал Пэлас"дан бошқа бир АПЛ клубига ўтиши мумкин 0 09:28Флойд Мейвезер Конорнинг мағлубиятига кескин фикр билдирди 2 09:02Спортчилар анатомияси: Бадиий гимнастикачиларнинг ўзига хос жиҳатларини ўрганамиз 0 08:41"Конор ухлади". Макгрегорнинг сурати мемларга айланиб кетди + ФОТО 1 08:18"Реал" ўзининг трансфер хатосини тўғирламоқчи 0 07:41Хабиб Нурмагомедов Конор билан ҳазиллашди + ФОТО 4 07:20UFC 257. Конор, Дастин ва Маҳмуд қанча ишлаб олди? (тўлиқ рўйхат) 2

28 фев 12:20
Янгиликлар

Каратэ

Каратэ. Ўзбекистон миллий терма жамоаси аъзоси Севинч Рахимова билан интервью

Теглар :  Каратэ
Навбатдаги суҳбат каратэчи қизимиз Севинч Рахимова билан бўлиб ўтди.

Каратэдаги фаолиятингизни қачон бошлагансиз ва биринчи мураббийингиз ким бўлган?

- Мактаб пайтларимдан яъни 2013-йилдан бошлаб каратэ билан мунтазам шуғулланиб келаман. 

Биринчи мураббийим Сулаймон Юсупов. У кишидан жуда миннатдорман, уларнинг ўргатганлари туфайли мана шу даражагача етиб келдим. 



- Қизиқ,  нима учун бадиий гимнастика эмас, умуман, нега айнан каратэ?

- Менга яккакураш спорт турлари жуда ёқади. Ўзи биринчи қатнашган спорт турим айнан спорт гимнастикаси бўлган. Кейин мураббийим хорижга кетиб қолганди. Бироз вақт ўтгач, каратэга ўтиб кетишга тўғри келган. 


- Ўзбекистон терма жамоаси сафига қўшилиш қийин кечмадими? 

- Бу йўлда кўп меҳнат қилдим дея оламан. Юртимиздаги турнирлар ва халқаро мусобақаларда совринли ўринларни қўлга киритиб келмоқдаман.  Шу ютуқлар орқали мураббийлар эътиборига тушдим ва термага жалб қилиндим. 



- 2019 йил Тошкентда ўтказилган Осиё чемпионатида 2-ўринни қўлга киритгансиз. Чемпион бўла олмаганингизга нима сабаб бўлди деб ўйлайсиз?

- Осий чемпионати шу пайтгача мен қатнашган энг йирик мусобақа саналади. Бундан ташқари, рақибим ҳам кучли эди. Шу факторлар асосий сабаблар бўлса керак. Лекин, Осиё чемпионати орқали Олимпиада рейтинг балларига эга бўлдим. Шу туфайли Премьер-лига баҳсларида иштирок этишга муяссар бўлмоқдаман. 


- Юртимизда аксарият ота-оналар ўз қизларини яккакураш спорт турларига беришни исташмайди...

- Йўқ, қаршилик қилишмаган. Отамнинг ўзлари собиқ бокс мураббийи. Спорт гимнастикасидан ташқари, айнан бокс билан ҳам шуғулланганман, лекин барибир каратэга қизиқиш кучлилик қилгани боис айнан шу спортга кириб келдим.  

- Қийналган пайтларингизда каратэни ташлаб кетиш нияти хаёлга келмаганми?

- Мусобақаларда охирида мағлуб бўлиш менга ёқмасди. Ўзбекистон чемпионати финалларида кўп ютқазиб қўйганман. Сиз айтган ҳолатлар содир бўлган, албатта. Аммо, спортда ҳеч қачон таслим бўлмаслик лозим. Агар Осиё чемпионати саралашида финалда енгилсам, кетаман деб хаёл қилганман, аммо шукрки, Осиё чемпионати саралашида 1-ўринни олдим. Эндиликда олдимда турган мақсад Токио Олимпиадаси йўлланмасини қўлга киритишдир.  


Шерзод Нурматов тайёрлади

Рейтинг:    

Фикрлар

< сўнгги янгиликларни кўриш

Olamsport ни Facebook да ўқиш
учун "Yoqdi"ни босинг