Каратэ WKF: 650 нафар спортчи Ўзбекистон чемпионлиги учун курашга киришди

Эркаклар ва аёллар ўртасида ўтказилаётган мазкур чемпионат Ўзбекистон Республикаси Жисмоний тарбия ва спорт вазирлиги, Миллий Олимпия қўмитаси, Яккакурашлар бўйича Республика олий спорт маҳорати мактаби ҳамда Ўзбекистон каратэ миллий федерацияси билан ҳамкорликда ташкил этилмоқда.

Чемпионат олдидан Ҳакамлар учун семинар ўтказилди. 17 декабрь куни Ўзбекистон каратэ миллий федерацияси биносида мусобақага қуръа ташлаш маросими бўлиб ўтди. Бугун вазн ўлчаш маросимидан сўнг баҳсларга расман старт берилди. Ўзбекистон чемпионати эртага ўз якунига етади.

Мусобақа ғолиб ва совриндорлари Ўзбекистон каратэ миллий федерацияси томонидан I, II ва III даражали диплом ва медаллар билан мукофотланишади. Мусобақада жами 328 нафар каратэ устаси (шундан: 1-ўрин 82 та, 2-ўрин 82 та, 3-ўрин 164 та) олтин, кумуш ва бронза медаллари билан тақдирланади.

Жисмоний тарбия ва спорт вазирлиги Матбуот хизмати