Каратэ WKF бўйича болалар ўртасида Ўзбекистон чемпионати бошланди

Бугун пойтахтимиздаги «Универсал» спорт мажмуасида каратэ WKF бўйича болалар ва қизлар ўртасида Ўзбекистон чемпионати баҳсларига старт берилди. Ушбу мусобақа Жисмоний тарбия ва спорт вазирлиги, Миллий олимпия қўмитаси, Ўзбекистон каратэ миллий федерацияси ҳамда Спорт яккакурашлари бўйича Республика олий спорт маҳорати мактаби ҳамкорлигида ташкил этилди.

Чемпионатда республикамизнинг барча вилоятлари, Қорақалпоғистон Республикаси ҳамда Тошкент шаҳридан 800 нафардан зиёд ёш ва иқтидорли каратэчилар баҳсларга киришди.

Таъкидлаш керак, жорий йилдан эътиборан Ўзбекистон чемпионатида ҳудудий чемпионат ғолиб ва совриндорларидан ташкил топган терма жамоалар иштирок этиши белгилаб қўйилган.