Каратэ WKF. Кучлилар Чирчиқда сараланди

Тошкент вилоятининг барча туман ва шаҳарларидан йиғилган 300 нафардан ортиқ ўғил болалар ва қизлар ғолиблик учун куч синашишди. Муросасиз ўтган беллашувларда Мадина Комилова (Чирчиқ ш.), Жавоҳир Жаҳонгиров (Бекобод ш.), Баҳром Раҳимов (Чирчиқ ОПСТТМ), Саидислом Саидакбархўжаев, Саидкамол Адилов (Тошкент т.),  Озод Саидмуродов (Зангиота т.), Мадина Насимова (Ангрен ш.) сингари спортчилар ўз вазн тоифаларида ғолибликни қўлга киритишди. Умумжамоа ҳисобида эса Бекобод шаҳри жамоаси биринчи, Тошкент тумани иккинчи ва Юқоричирчиқ тумани жамоаси учинчи ўринни банд этишди. Мусобақа регламентига мувофиқ кучли учликдан жой олган ёш каратэчилар энди Сирдарё вилоятида ўтадиган Ўзбекистон кубоги баҳсларида иштирок этиш йўлланмасига эга бўлишди.

- Тақвим-режага кўра,  жорий йилги ушбу илк мусобақамиз Республика кубоги беллашувларига йўлланма бериши билан аҳамиятли, шу боис ёш каратэчиларимиз бор маҳоратини намойиш этишмоқда, мақсадимиз ушбу йилда ҳам мамлакат ва халқаро мусобақаларда энг кўп медалларни қўлга киритиш бўлади, - дейди 

Тошкент вилояти каратэ WKF ассоциацияси раиси Эргаш Раҳимов.

Илҳом РАҲМОНОВ тайёрлади