05 мар 17:30
Янгиликлар

Каратэ

Каратэчиларимиз Австриядаги нуфузли турнирда совриндор бўлишди

2-4 март кунлари Австриянинг Зальцбург шаҳрида каратэ бўйича А серия тоифасидаги мусобақа ўтказилди.

Эътиборли томони, ушбу мусобақада ўзбекистонлик спортчилар иштирок этиб, совриндорлар қаторидан ўрин эгаллашга муваффақ бўлди.

Кумите баҳсларида -60 кг вазн тоифасида мусобақада иштирок этган Садриддин Сайматов барча рақибларини мағлубиятга учратиб, олтин медаль соҳибига айланди.

-67 кг вaзн тоифасида баҳсларда иштирок этган Иқболжон Узоқов ҳам финалгача етиб борди. Афсуски, ҳал қилувчи жангда у япониялик рақибга ютқазиб қўйди ва мусобақанинг кумуш медали билан кифояланди.

Қизлар ўртасида -50кг вазн тоифасидаги турнирда иштирок этган Баҳринисо Бабаева бронза медали билан юртимизга қайтди.