09 апр 11:49
Янгиликлар
Каратэ
Каратэчиларимиз Марокашдаги "Premier League"да олтин ва кумуш медали соҳибига айланишди
Марокашнинг Работ шаҳрида каратэ бўйича нуфузли "Premier League" мусобақаси якунига етди.
Бунгача мазкур турнирда иштирок этаётган икки нафар спортчимиз ҳал қилувчи финал жангларига йўл олганликлари ҳақида хабар қилгандик. Бугун Садриддин Сайматов ва Достонбек Отаболаевлар финал жангларини ўтказдилар.
-60кг вазн тоифасида баҳс олиб борган Садриддин Сайматов ҳал қилувчи жангда туркиялик Айкут Каяга қарши кураш олиб борди ва ғалаба қозониб, олтин медаль соҳибига айланди.
-75кг вазн тоифасида юртимиз шарафини ҳимоя қилган Достонбек Отаболаев эса ҳал қилувчи беллашувда озарбайжонлик Рафаэль Агаевга қарши баҳс юритди ва имкониятни бой бериб қўйди.
Шу тариқа вакилларимиз Марокашдан олтин ва кумуш медаль билан қайтадиган бўлдилар.
Ҳавола :
Манба : olympic.uz
Фикрлар