19 фев 17:29
Янгиликлар

Теннис

Карен Хачанов илк даврадаёқ ютқазиб қўйди

Франциянинг Марсель шаҳрида теннис бўйича нуфузли ATP турнири давом этмоқда.

Дунёнинг 17-ракеткаси Карен Хачанов кутилмаганда мусобақанинг биринчи даврасида ютқазиб қўйди. Россиялик теннисчи Open 13 турнирининг илк босқичида рейтингнинг 47-поғонасидан жой олган словениялик Альяж Беденега имкониятни бой берди - 6/4, 4/6, 5/7.

Учрашув 2 соату 22 дақиқа давом этган. Карен 8, Альяж эса 18та эйс зарбасини амалга оширган. Ўзаро учрашувларда Бедене илк бор Хачановдан устун келди. Бундан аввалги учта баҳсда россиялик теннисчининг қўли баланд келган эди. Бедене иккинчи даврада франциялик Жиль Симонга қарши кортга чиқади.