30 окт 11:58
Янгиликлар

Теннис

Карен Хачанов “Мастерс”нинг иккинчи даврасида ютқазди

Россиялик теннисчи Карен Хачанов Париж “Мастерс” турнирининг иккинчи давра учрашувида мағлубият аламини тотиб кўрди.

Дунёнинг саккизинчи ракеткаси бўлиб турган 23 ёшли Хачанов роппа-роса икки соат давом этган баҳсда германиялик Ян-Леннард Штруффга имкониятни бой берди - 6/7(5), 6/3, 5/7.

Карен учрашув давомида 17, рейтингнинг 36-поғонасидан жой олган 29 ёшли Ян-Леннард ҳам айнан 17 та эйс зарбасини амалга оширган. Икки теннисчининг ўзаро учрашувларидаги ҳисоб мувозанати тикланди - 1:1.