28 июл 18:41
Янгиликлар

Теннис

Карен Хачанов Олимпиада 1/4 финалига йўл олди

Яна бир россиялик ракетка устаси Токио-2020 Олимпиадасида медаллари учун курашни давом эттириш ҳуқуқини қўлга киритди.

ATP рейтингининг 25-поғонасидан жой олган Карен Хачанов дунёнинг 13-ракеткаси бўлиб турган аргентиналик Диего Шварцманни уч сет натижасига кўра мағлубиятга учратди - 6/1, 2/6, 6/1.

121 дақиқа давом этган баҳсда 25 ёшли Карен 13 та, 28 ёшли Диего эса 1 та эйс зарбани амалга оширди. Теннисчиларнинг ўзаро учрашувларидаги ҳисоб мувозанати тикланди - 2:2. Энди Хачанов чорак финалда франциялик Уго Умберга қарши кортга чиқади.