13 авг 08:02
Янгиликлар

Теннис

Карен Хачанов рус дербисида устун келди

Канаданинг Торонто шаҳрида теннис бўйича "Мастерс" сериясига кирувчи турнир бўлиб ўтмоқда.

National Bank Open турнирининг иккинчи даврасида россиялик теннисчилар Карен Хачанов ва Аслан Карацев ўзаро тўқнаш келишди. 25 ёшли Карен АTP рейтингида 29, 27 яшар Аслан эса 22-ўринни эгаллаб турибди.

Муросасиз кечган рус дербисида Хачанов 7/6(7), 6/4 ҳисобларида ғалаба қозониб, кейинги босқичга йўл олди. Ўзаро учрашувларда Карен устунлик қилмоқда - 4:1. Энди у National Bank Open турнирининг учинчи даврасида грециялик Стефанос Циципасга қарши кортга чиқади.