Карл Фроч: "Усик ўткинчи жангни хоҳлади ва уни қўлга киритди"

"Бу ҳеч ким ҳеч қачон ҳеч нарса эшитмаган жангчига қарши кўнгилли ҳимоя. Бунинг устига кикбоксчига қарши жанг. Кикбоксчилар боксга қандай ўтганидан хабарим йўқ, лекин ўтмишда уларнинг муваффақият қозонган ҳолатлари кўп бўлганига шубҳам бор. Бу менинг фикрим. Усик ўтиш жангини хоҳлади ва уни қўлга киритди.

Катта эҳтимол билан, Агит Кабаел бу воқеадан хурсанд бўлмайди. У узоқ вақтдан бери WBC томонидан мажбурий даъвогар мақомида бўлиб турибди. Бундан ташқари, у сохта даъвогар эмас, балки ҳақиқатан ҳам синовдан ўтган боксчи. Анчадан бери ўз имкониятини кутаётган даъвогар. Энди эса яна узоқроқ кутишига тўғри келади. Бу эса спорт учун ёмон", - деди Бокс шон-шуҳрат зали аъзоси Фроч ўз подкастида.

Эслатиб ўтамиз, Усик - Верховен жанги 23 май куни Мисрнинг Гиза шаҳрида бўлиб ўтади. Рико муваффақиятли кикбоксчи сифатида бутун дунёга танилган. 33 ёшли германиялик Агит Кабаел эса супероғир вазн тоифасида WBC вақтинчалик чемпиони ҳисобланади.