24 сен 07:24
Янгиликлар

Теннис

Каролин Возняцки Ухандаги иштирокини якунлади

Дунёнинг 18-ракеткаси Каролин Возняцки Хитойнинг Ухань шаҳрида ўтказилаётган турнирнинг илк даврасидаёқ мағлубият аламини тотиб кўрди.

Даниялик теннис маликаси биринчи босқичда Хитой Тайпейи вакиласи Се Су-Вейга қарши кортга чиқди. WTA рейтингида 32-поғонадан жой олган Се биринчи сетни 6/7(2) ҳисобида бой берди. Лекин кейинги икки сетда кучли рақибасига ҳеч қандай имконият қолдирмади - 6/1, 6/2.

Учрашув 2 соату 4 дақиқа давом этган. Су-Вей илк бор Каролинни мағлуб этган. Бундан аввалги ўзаро учта баҳсда ҳам Возняцкининг қўли баланд келган эди. Энди 33 ёшли Се Wuhan Open турнирининг иккинчи даврасида россиялик Светлана Кузнецовага қарши кортга чиқади.