Каспер Рууд икки ҳафта ичида иккинчи бор финалга чиқди

Дунёнинг олтинчи ракеткаси Каспер Рууд кетма-кет иккинчи финалига чиқди. Норвегиялик теннисчи 1/2 финалда ATP рейтингида 30-поғонадан жой олган аргентиналик Томас Мартин Этчеверрини мағлубиятга учратди - 7/6(6), 6/4.

Теннисчиларнинг ўзаро учрашувларидаги ҳисоб 2:0 кўринишига келди. Икки дақиқаси кам икки соат давом этган баҳсда Рууд  1, Этчеверри 4 та эйс зарбасини амалга оширган. Қўшхатолар Томасда кўпроқ бўлди - 2 га 1. Брейклар бўйича устунлик эса ғолиб теннисчида бўлди 3 га 2.

Шу тариқа, Рууд икки ҳафта ичида иккинчи бор финалга етиб келди. У ўтган ҳафта Монте-Карло "Мастерс" турнири финалида грециялик Стефанос Циципасга имкониятни бой бериб қўйган эди.