02 июн 16:58
Янгиликлар

Бокс/ММА, Теннис

Каспер Рууд "Ролан Гаррос" 1/8 финалига йўл олди

Дунёнинг еттинчи ракеткаси Каспер Рууд ҳам Франция Очиқ чемпионати бош соврини учун курашни давом эттирмоқда.

Норвегиялик теннисчи учинчи босқичда ATP рейтингида 29-ўринни эгаллаб турган аргентиналик Томас Мартин Этчеверрини тўрт сет натижасига кўра мағлубиятга учратди - 6/4, 1/6, 6/2, 6/2. Теннисчиларнинг ўзаро учрашувларидаги ҳисоб 3:0 кўринишига келди.

Икки соату 49 дақиқалик баҳсда Рууд 5, Этчеверри 6 та эйс зарбасини амалга оширган. Қўшхатолар Томасда кўпроқ бўлди - 6 га 5. Брейклар бўйича устунлик Касперда - 8 га 6 кўринишида. Энди Рууд нимчорак финалда америкалик Тэйлор Фритцга қарши кортга чиқади.