Кечаги ўйинлардан сўнг Қозоғистон Про-Лигасидаги ҳолат. "Ҳумо"нинг плей-оффдаги илк рақиби ким бўлиши мумкин?

Жумладан, Тошкентнинг "Ҳумо" жамоаси 40-тур доирасида Астана шаҳрининг "Снежные Барсы" клубига қарши иккинчи cафар ўйинини ўтказди. Жамоалар учун мавсум давомидаги ўзаро сўнгги, тўртинчи учрашув 7:0 ҳисобида "Ҳумо" фойдасига якунланди.

Мазкур ўйиндан сўнг "қанотлилар" мусобақа жадвалидаги очколари сонини 62 тага етказишди ва бу билан иккинчи ўринни мустаҳкамлаб олишди. "Снежные Барсы" эса 9 очко билан сўнгги - ўн иккинчи ўринда қолмоқда. Вакилларимиз айни дамда биринчи ўриндаги "Сариарка" жамоасидан 12 очко ортда, учинчи ўриндаги "Номад" жамоасидан эса 3 очко олдинда бормоқда.

"Қанотлилар"ни эндиликда мунтазам чемпионат доирасидаги навбатдаги рақиб — "Номад" кутиб турибди. Мазкур жамоага қарши иккита сафар ўйини 3-4 февраль кунлари бўлиб ўтади.

Таъкидлаш жоиз, ҳозирги вазиятдан келиб чиқилса, "Ҳумо"нинг плей-офф босқичидаги илк рақиби катта эҳтимол "Горняк" жамоаси бўлиши кутилмоқда.

Қозоғистон Про-Лигаси 40-туридан сўнг мусобақа жадвали