Келаси йилги Олимпиада ва Евро мухлисларсиз ўтказилиши мумкин

Бутунжаҳон соғлиқни сақлаш ташкилоти маслаҳатчиси Эзекиль Эмануэлнинг айтишича, коронавирус пандемияси таъсири узоқ давом этади ва бунинг натижасида жуда катта эҳтимол билан 2021 йилнинг кузига қадар оммавий тадбирларни ўтказишга рухсат берилмайди. 

"Кўп одам тўпланадиган – конференция, концерт, спорт тадбирларини 2020 йилнинг октябрь ойларига кўчиришяпти. Мен шу нарсани ҳеч тушуна олмаяпман. Ҳамма октябргача коронавирусдан қутуламиз деб ўйлаяпти. Бу умуман нотўғри фикр. Пандемиянинг таъсири узоқ вақт сақланиб туради. Жиддий айтганда, 2021 йилнинг кузигача катта масштабдаги мусобақаларни мухлислар билан ўтказиб бўлмайди. Бунга футбол бўйича Европа чемпионати ҳамда Олимпиада ҳам киради", - деди Эмануэль. 

Эслатиб ўтамиз, COVID-19 сабаб ёзги Олимпиада ҳамда футбол бўйича Европа чемпионати 2021 йилнинг ёзига кўчирилган эди.