Кесслер бош совринни АҚШда олиб қолди, бу унинг илк титули бўлди

Tennis in the Land бош соврини мезбонлар вакиласи Маккартни Кесслерга насиб этди. У фаолиятидаги илк совринни ўз ватанида қўлга киритди. WTA рейтингида 98-ўринни эгаллаб турган Маккартни финал учрашувида дунёнинг 23-ракеткаси, бразилиялик Беатрис Хаддад Майя устидан иродали ғалабага эришди - 1/6, 6/1, 7/5.

Бу теннис маликаларининг ўзаро ўтказган илк учрашуви эди. Икки соату 7 дақиқа давом этган баҳсда Кесслер 3, Хаддад Майя 4 та эйс зарбасини амалга оширган. Иккала теннисчи ҳам 4 тадан қўшхатога йўл қўйган. Брейклар бўйича устунлик америкалик теннисчи томонида бўлди - 5 га 4! 

Tennis in the Land турниридаги муваффақиятли иштирок Кесслерга 250 рейтинг очкоси ҳамда 35,250 АҚШ доллари миқдорида мукофот пули келтирди. Бу у учун фаолиятидаги илк соврин ҳам бўлди.