Кикбоксчиларимиз Жаҳон кубогида 45 та медалга эга чиқишди

Ушбу нуфузли мусобақада дунёнинг 42 та мамлакатидан 3760 нафардан зиёд спортчилар турли ёш тоифаларида медаллар учун ўзаро рақобатлашди. 

Жаҳон кубогида Ўзбекистон терма жамоаси 18 та олтин, 8 та кумуш, 19 та бронза, жами 45 та медални қўлга киритди. Умумжамоа ҳисобида мусобақа мезбони бўлган Туркия термаси биринчи, Австрия иккинчи, Ўзбекистон терма жамоаси эса учинчи ўринни эгаллади.

Кеча оқшом кикбоксчиларимиз юртимизга қайтиб келишди. Тошкент халқаро аэропортида ғолиб ва совриндорларни кенг спорт жамоатчилиги кутиб олди.