12 май 21:35
Янгиликлар

Кикбоксинг

Кикбоксчиларимиз Туркиядаги нуфузли халқаро турнирда иштирок этмоқда

Бугун Туркиянинг Истанбул шаҳрида спортнинг кикбокс тури бўйича 7-халқаро Туркия Очиқ кубоги мусобақасига старт берилади.

Унда Ўзбекистон кикбокс терма жамоаси аъзолари ҳам иштирок этади.

Шу мақсадда яқинда мамлакатимиз кикбоксчилари Ислом Каримов номидаги Тошкент халқаро аэропортидан Истанбул шаҳрига учиб кетишди.

12-15-май кунлари ўсмирлар, ёшлар ва катталар ўртасида бўлиб ўтадиган ушбу нуфузли мусобақада жаҳоннинг 50дан ортиқ давлатидан жами 3 300 нафар спортчи ғолиблик учун баҳс олиб бориши кутилмоқда.

Унда Ватанимиз шарафини 62 нафар спортчи 6та йўналишда ҳимоя қилишади. Шунингдек, мамлакатимиз спорт делегацияси таркибидан тренерлар, ҳакамлар, кузатувчилар ва делегация расмийларини қўшиб ҳисоблаганда жами 75 киши ўрин олган.

Спортчиларимизга бўлажак мусобақаларда Ватанимиз байроғини янада юқорига кўтаришида омад тилаймиз.