Кикбоксчимиз Шер Мамазулунов Москвада навбатдаги жангини ўтказди

Ушбу жангда спортчимизга беларуслик тажрибали Павел Обозний рақиблик қилди. Жанг К-1 йўналишида ўтказилди ва муддатидан аввал якунланди. Иккинчи раунд ниҳоясига етиб бораётган бир пайтда беларуслик жангчининг мураббийлари мағлубиятни тан олишди. Рефери жангни тўхтатди. 

Эслатиб ўтамиз, 25 ёшли Мамазулуновнинг кикбоксчингдаги кўрсаткичи 24-7 га етди. У кеча оқшом 24-ғалабасини қўлга киритди. 37 ёшли Обозний эса шу кунгача 58 та жангда ғалаба қозониб, 13 та баҳсда имкониятни бой берганди. Шер Павелга фаолиятидаги 14-мағлубиятни тақдим этди.