09 июл 23:27
Янгиликлар

Бокс/ММА, Кикбоксинг

Кикбоксчимиз Шер Мамазулунов профессионал боксдаги илк жангини ўтказди

Бугун Россияда Hardcore лигасининг навбатдаги турнири бўлиб ўтди.

Ушбу турнирда ҳамюртимиз Шер Мамазулунов Аблкадир Гаджиевга қарши лигадаги, қолаверса профессионал боксдаги дебют жангини ўтказди. Тўрт раундга мўлжалланган жанг охиригача давом этди.

Афсуски, ҳамюртимиз дебют жангида мағлубиятга учради. Мамазулунов жангда очколар ҳисобига кўра имкониятни бой бериб қўйди.

Эслатиб ўтамиз, Шер Мамазулунов бундан аввалги жангини 12 февраль куни, Сергей Пономаревга қарши ўтказиб, мағлуб бўлган эди.

Маълумот учун, ҳамюртимиз кикбоксингдаги профессинал фаолияти давомида 47 та жанг ўтказиб, 38 та ғалабага эришган, саккиз бор мағлубият аламини тотган.