Кики Бертенс Линц турнири 1/4 финалчисига айланди

Upper Ausrtia Ladies Linz турнирида чорак финал иштирокчилари маълум бўлди. Сайёрамизнинг саккизинчи рақамли теннис маликаси Кики Бертенс рейтингнинг 44-поғонасидан жой олган бельгиялик Алисон Ван Уйтванкни мағлуб этди. 

Голландиялик теннисчи 3 дақиқаси кам 2 соат давом этган баҳсда рақибасидан устун келди - 4/6, 6/3, 6/3. Теннисчиларнинг ўзаро учрашувларидаги мувозанат тикланди - 1:1. Бугун Бертенс 1/4 финалда америкалик 15 ёшли теннисчи Кори Гоффга қарши кортга чиқади.