22 апр 13:40
Янгиликлар

Футбол

Килиан Мбаппе Мадридда ўз рекордини янгилади: Француз "узоқ масофалар қироли"га айланмоқда

Мадриднинг "Реал" клуби ҳужумчиси Килиан Мбаппе Испания чемпионатининг 33-туридан ўрин олган "Алавес"га қарши баҳсда (2:1) навбатдаги голини урди ва ўзининг янги шахсий рекордини ўрнатди.

Учрашувнинг 30-дақиқасида француз юлдузи жарима майдончаси ташқарисидан кучли зарба йўллади — тўп рақиб ҳимоячисига тегиб, рикошет ҳолатида дарвоза тўридан жой олди. Бу гол Мбаппе учун 2025/2026 йилги мавсумдаги барча турнирларда жарима майдончаси ташқарисидан киритилган саккизинчи гол бўлди.

"Opta Sport" нашрининг хабарига кўра, Килиан бу кўрсаткич бўйича нафақат ўз рекордини янгилади, балки кучли бешлик лигаларида тўп сураётган футболчилар орасида ҳам мавсумнинг мутлақ етакчисига айланиб олди.

Маълумот учун, Мбаппе жорий мавсумда "Қироллик клуби" либосида барча мусобақаларда 40 та ўйинда майдонга тушиб, ўз ҳисобига 41 та гол ва 6 та голли узатмани ёздириб қўйди.