29 ноя 15:55
Янгиликлар
Бокс/ММА
Кличко проф боксга қайтиш ва илк жангидаёқ камар учун жанг қилиш бўйича музокара ўтказди
Супероғир вазнда собиқ WBO, IBF, IBO ва The Ring чемпиони Владимир Кличко профессионал бокс рингига қайтадими?
Бу ҳақда нуфузли Daily Mail нашри хабар бермоқда. У оғир вазнда амалдаги IBF чемпиони, британиялик Даниэль Дюбуа билан жанг ўтказиш бўйича музокара олиб борди.
Владимир 22 февраль куни Ар-Риёд (Саудия Арабистони) шаҳрида Даниэль билан жанг ўтказишни режалаштирганди. Бироқ, шу ҳафтада музокаралар тўхтаб қолган. Промоутерлар Майк Тайсон ва Жейк Пол ўртасида рақобат ва шоунинг йўқлиги сабабли баъзи мухлислар томонидан танқид қилинган жанг турининг такрорланишига йўл қўймасликка қарор қилишди.
Маълумот учун, Кличко сўнгги жангини 2017 йил апрель ойида британиялик Энтони Жошуага қарши ўтказиб, техник нокаут эвазига мағлуб бўлган ва шундан сўнг фаолиятини якунлаганди.
Ҳавола :
Манба : Daily Mail
Фикрлар