15 июн 18:22
Янгиликлар
Бокс/ММА
Кличко якуний машғулот учун Австрияга етиб келди
Профессионал бокснинг супероғир вазн тоифасида собиқ жаҳон чемпиони Владимир Кличко (64-4, 53 КО) учта йўналишда жаҳон чемпиони британиялик Тайсон Фьюрига (25-0, 18 КО) қарши ўтказиладиган реванш жангига тайёргарликнинг якуний босқичини ўтказиш учун Австрияга етиб келди.
Кличко ўз жамоаси билан бирга уч ҳафта мобайнида айнан Австрияда машғулот ўтказади. Машғулот учун Гоинг шаҳри танланган. Кличко Гоингда спаринг жангларга эътибор қаратади. Бу борада унга аралаш қоидалар бўйича қозоғистонлик спортчи Александр Захожий ёрдам беради.
Эслатиб ўтамиз, Владимир Кличко ва Тайсон Фьюри ўртасидаги реванш жанги 9 июль куни Англиянинг Манчестер шаҳридаги Manchester Arena саройида бўлиб ўтади.
Ҳавола :
Фикрлар