Клублар ўртасидаги ЖЧ. "Ал-Айн" шов-шувли тарзда финалга чиқди

Ярим финалнинг илк учрашувида мезбон сифатида иштирок этаётган "Ал Айн" клуби Либертадорес кубоги соҳиби, Аргентинанинг "Ривер Плейт" жамоасига қарши майдонга тушди. Ўйиннинг асосий вақтида томонлар 2:2 ҳисобидаги жанговор дурангга имзо чекишди. Қўшимча бўлимларда ҳам ҳисоб ўзгармади.и 

Лотореялар баҳсида эса омад майдон эгаларига кулиб боқди. Номдор рақибини мағлуб этган "Ал Айн" клублар ўртасидаги жаҳон чемпионатининг финалига йўл олди. Иккинчи ярим финал учрашувида ОЧЛ ғолиби, Япониянинг "Кашима Антлерс" ҳамда ЕЧЛ чемпиони, Мадриднинг "Реал" клублари тўқнаш келишади. 

Ривер Плейт Аргентина – Аль-Айн БАА 2:2 (пеналтилар бўйича 4:5)
"Hazza Bin Zayed Stadium"
Голлар: 0:1 – 3, автогол Пинола, 1:1 – 11 Борре, 2:1 – 16 Борре, 2:2 – 51 Кайо.
Ривер Плейт – Армани, Майдана, Каско, Монтиель, Пинола, Фернандес (Кинтеро, 55), Понсио (де ла Крус, 87), Паласиос (Перес, 55), Мартинес (Скокко, 90), Борре, Пратто.
Аль-Айн – Эсса, Ахмед, Сиотани, Ахмед, Эль-Шахат, Файез, Барман (Абдуррахман, 82), Думбия (Надер, 107), Кайо, Берг (Мохаммед, 75), Абдуррахман (Яслам, 64).
Огоҳлантиришлар: Пинола (9), Эль-Шахат (50), Борре (54), Кайо (61), Ахмед (80), Каско (89), де ла Крус (112).

Пенальтилар серияси
1:0, 1:1, 2:1, 2:2, 3:2, 3:3, 4:3, 4:4, 4:5.