02 сен 12:00
Янгиликлар

Футбол

Клюйверт ижара асосида "Рома"дан "Валенсия"га йўл олди

Нидерландиялик вингер Жастин Клюйверт Римнинг "Рома"сидан "Валенсия"га ўтди, деб хабар бермоқда жамоа матбуот хизмати.

Нидерландия терма жамоаси футболчиси энди бир йил давомида Испанияда ўйнайди. Унинг ҳаракатлари "Месталья" эгаларига маъқул келса, футболчини 15 миллион еврога сотиб олишлари мумкин.

Аввалроқ унинг Англиянинг “Фулхем” клубига ўтиши муваффақиятсизликка учраганди. Маълум бўлишича, футболчи мамлакатда ишлаш учун рухсатнома ололмаган. У англияликлар томонидан сотиб олиш ҳуқуқи билан ижарага кўзда тутилган эди.

Эслатиб ўтамиз, Клюйверт 2018 йилнинг ёзида Нидерландиянинг "Аякс" жамоасидан "Рома"га ўтган эди. Кичик Клюйверт 2021/2022 йилги мавсум ижара асосида Франциянинг "Ницца" клубида ҳаракат қилди ва у ерда 31 та ўйин ўтказиб, 6 та гол урди ва 7 та голли узатмани амалга оширди.