20 июл 08:44
Янгиликлар

Бокс/ММА

Коди Гарбрандтнинг UFC'даги навбатдаги рақиби ва жанг санаси маълум

Энг енгил вазн тоифасида собиқ UFC чемпиони, америкалик аралаш яккакураш устаси Коди Гарбрандтнинг кейинги жанги тафсилотлари эълон қилинди.

У 12 октябрь куни ташкил этиладиган UFC Fight Night турнири доирасида октагонга қайтади. Унга ўша куни ҳамюрти Майлс Жонс рақиблик қилади.

Маълумот учун, Коди Гарбрандт шу кунгача 14 ғалаба ва 6 мағлубият қайд этган. Майлс эса фаолияти давомида 15 та ғалаба ва 2 та мағлубиятни ўз ҳисобига ёздириб қўйган.