UFC Vegas 117. Қозоғистонлик жангчини нокаут қилишди. Прелим кард натижалари битта хабарда

Оқшомнинг прелим кард жанглари якунланиб, асосий кард баҳслари бошланди. Қозоғистонлик ярим ўрта вазн тоифаси вакили Николай Веретенников америкалик Каос Уильямсга қарши октагонга чиқиб, биринчи раунднинг тўртинчи дақиқасида нокаут эвазига мағлубиятини қабул қилиб олди. 

Бу билан 32 ёшли Уильямс (16-5) ўзининг икки мағлубиятли сериясини чиройли ғалаба билан ёпиб кетди. 36 яшар Веретенников (14-8) эса бугун UFC`даги тўртинчи мағлубиятини қабул қилиб олди, ҳисобидаги ғалабалари сони иккиталигича қолди. 

Ҳозиргача якунланган жанг натижалари:

Ярим оғир вазн: Иван Эрслан Туко Токкосни ҳакамларнинг якдил қарори билан таслим этди (29–28, 29–28, 29–28).

Енгил вазн: Томми Гэнтт Артур Миневни иккинчи раундда техник нокаутга учратди. 

Аёллар ўта енгил вазн: Кетлен Виейра рақибаси Жаклин Кавалькантини очколар ҳисобига кўра мағлубиятга учратди (29–28, 29–28, 29–28).

Ўрта вазн: Коди Брандейж Андре Петроскини иккинчи раундда техник нокаутга учратди.

Аёллар минимал вазн: Алис Арделян рақибаси Полиана Вианани оғритиш усули билан мағлуб этди.

Ўта енгил вазн: Луис Гуруле Даниэль Баресни ҳакамларнинг якдил қарори эвазига енгди (30–27, 30–27, 30–27).

Аёллар минимал вазн: Николь Кальяри рақибаси Шон Бэннонни учинчи раундда бўғиб қўйди.