UZ

Сўнгги янгиликлар

12:11Чимаев чемпионлик унвонини ҳимоя қилади. Рақиб собиқ UFC чемпиони + ПОСТЕР 0 11:40Ўзбекистонда ҳокимларнинг спорт бўйича маслаҳатчиси лавозими жорий этилди 0 11:09Бразилияда қарздорликка қарши жиддий кураш бошлади 0 10:38Осиё Миллатлар кубогида икки шахматимиз индивидуал совринга эга чиқди + ФОТО 0 10:07UFC мухлислари Кормьени шарҳловчиликдан бўшатишни талаб қилмоқда 0 09:36"Шара Буллет"нинг рақиби жангни сотиш ҳақидаги айбловига жавоб берди 0 09:05Месси AFA'дан ўз исмидан тижорий мақсадларда фойдаланишни тўхтатишни талаб қилади 0 08:34Волков UFC билан янги шартнома имзолади 0 08:03Жей Опетая cафдан чиқди, Деонтей Уайлдер рақибсиз қолди 0 07:32Сирил Ган Жош Хокит билан жангдан сўнг илк бор баёнот берди 0 07:01Фабио Каннаваро: "Ўртоқлик ўйинларидаги натижа эса муҳим эмас" (+ВИДЕО) 0 18:48"Уни нафақага кузатаман" - Пэдди Пимблетт Топурия билан жанг қилишни истамоқда 0 18:19"Мен Умар ва Усманнинг катта мухлиси эдим..." - Саба Лазишвили 0 17:40"Учрашиб, ҳаммасини муҳокама қилишимиз мумкин". Мераб Двалишвили Ислам Махачевга мурожаат қилди 0 17:17Абдуқодир Ҳусановнинг нархи Саудия Арабистони терма жамоасининг барча футболчилари қийматидан юқори 0

27 апр 20:20
Янгиликлар

Дзюдо

Кўкка бўй чўзаётган Самарқанд дзюдо мактаби

Сўнгги йилларда Самарқанд вилояти дзюдосида ижобий томонга сезиларли ўзгаришлар бўлди.

Буни биринчи галда Ўзбекистон катталар терма жамоасига етказиб берилган дзюдочилар билан изоҳлаш мумкин. Бугунги кунда асосий жамоамиз таркибида дзюдочиларимиздан Давлат Бобонов, Муҳаммадкарим Ҳуррамов, Диёра Келдиёрова, ака-ука Сардор ва Кемран Нуриллаев Токио-2020 Олимпиадаси йўлланмалари учун кураш олиб боришяпти. Бу дзюдочиларимиз ўз вазн тоифаларининг етакчилари ҳисобланишади. 

Шунингдек, Шаҳбоз Умирзоқов, Теҳрон Эркинов, Вагиф Ибодов, Санжар Пардаев, Чингиз Шокиров, Азизбек Ашуров сингари Ўзбекистон ёшлар терма жамоасига номзод дзюдочиларни ҳам алоҳида таъкидлаш жоизки, улар эртага асосий жамоадаги акаларига муносиб рақобатни юзага келтира олади. 

Биз айни мавзу юзасидан Самарқанд вилояти терма жамоаси катта мураббийи Мўмин Набиевдан интервью олдик.          

- Вилоятимизда дзюдо спорт турига бўлган қизиқиш жуда юқори, - дея сўз бошлади М.Набиев. - Кундан-кунга дзюдо билан шуғулланаётган ёшлар сони ортиб боряпти. Мамлакат миқёси ҳамда халқаро мусобақалардаги натижаларимиз ҳам чакки эмас. Бугунги кунда вилоятимиз дзюдочиларидан Давлат Бобонов, Муҳаммадкарим Ҳуррамов, Диёра Келдиёрова, Сардор Нуриллаев Ўзбекистон катталар терма жамоасида, Шаҳбоз Умирзоқов (-81 кг), Теҳрон Эркинов, Азизбек Ашуров (иккаласи -60 кг), Вагиф Ибодов (-66 кг), Санжар Пардаев (-73 кг), Чингиз Шокиров (-100 кг) мамлакат ёшлар терма жамоаси аъзолари ҳисобланишади. Мен санаб ўтган дзюдочилар ўз вазн тоифаларининг етакчилари бўлиб туришибди. Бобонов, Ҳуррамов, Келдиёрова Олимпиада рейтинг ўринларини эгаллаб туришибди. Ёшларимиздан Эркинов, Умирзоқов ва Ибодов Осиё чемпионати ҳамда кубоги баҳсларида зафар қучишган.  

- Мўмин ака, Самарқанд вилоятининг қайси туман ва шаҳарларида ишлар тўғри йўлга қўйилган?

- Самарқанд шаҳри, Пастдарғом, Нуробод, Ургут туманларида дзюдога бўлган эътибор жуда яхши. Шу туман ва шаҳарлардан истеъдодли дзюдочилар кўпроқ етишиб чиқмоқда. Бу ерда яхши мураббийлар ишлашяпти. Қолган туманлар ҳам ишни тўғри йўлга қўйишга ҳаракат қилишяпти. Истеъдодларнинг кашф қилиниши учун рақобат кучли бўлиши керак.

- Истеъдодларнинг юзага чиқиши мураббийларга боғлиқ. Қайси мураббийларни алоҳида таъкидлаган бўлардингиз?

- Бундай мураббийлар бизда бисёр. Нурали Қобилов, Ўктам Раҳмонов, Илҳом Нуриллаев, Жамол Шодмонов, Нам Валера, Суҳроб Ҳусаинов, Икром Нуриллаев, Лочин Ташалиев, Фармон Қобилов сингари тажрибали мураббийларимиз бошқаларга ўрнак бўлишяпти. 

- Давлат Бобонов, Муҳаммадкарим Ҳуррамов, Диёра Келдиёрова сингари совриндор дзюдочиларимизнинг шунча ёшлар орасидан отилиб чиқишида асосий омил нима бўлган? Олимпиадага йўлланма олиш остонасида турган бу дзюдочиларимиз ҳақида тўлиқроқ маълумот беринг.

 - Давлат Бобонов Навоий вилояти Нурота туманида туғилган. Ёшлигидан Самарқанд вилоят ихтисослаштирилган спорт интернатида ўқиган. Ҳозирги кунда Самарқанд давлат университетининг 4-босқич талабаси. Мураббийи - Нурали Қобилов. Муҳаммадкарим Ҳуррамов Сурхондарё вилоятида дунёга келган. У ҳам ёшлигидан Самарқанд вилоят ихтисослаштирилган спорт интернатида таҳсил олган. Бугунги кунда Самарқанд давлат университетининг 4-босқич талабаси. Мураббийи- Ўктам Раҳмонов. Диёра Келдиёрова Самарқанд вилоятининг Пастдарғом тумани Жума шаҳарчасида туғилган. Самарқанд давлат университетининг 3-босқич талабаси. Мураббийи - Хуршида Холиқова. Сардор ва Кемран Нуриллаевлар Самарқанд вилоятининг Ургут туманида дунёга келишган. Сардор Самарқанд давлат университетининг тўртинчи, укаси Кемран эса 3-босқич талабаси. Иккаласини ҳам мураббийи - Илҳом Нуруллаев. 

- Мўмин ака карантин кунларини қандай ўтказяпсизлар? Терма жамоага номзод дзюдочилар, умуман вилоят терма жамоаси дзюдочилари билан доимий мулоқот ўрнатилганми?

- Карантин бўлишига қарамай, спортчиларимизни бўш қолдирмаяпмиз. Масофавий ишлар йўлга қўйилган. Ҳар куни мулоқотда бўлиб турибмиз. Кунлик вазифалар бериб борамиз. Шу асосида карантинга амал қилган ҳолда, уй шароитида машғулотларни бажаришяпти. 

- Сизларни, яъни мураббийларни қандай муаммолар қийнаяпти? Федерация, вилоят ҳокимлиги қай томондан ёрдам беришини хоҳлардингизлар?

- Бизда ҳозирча ҳаммаси яхши. Яхши натижаларга эришаётган дзюдочилар ҳамда уларнинг мураббийлари ҳокимият ва федерация томонидан рағбатлантириб келинмоқда. 

Рейтинг:    

Фикрлар

< сўнгги янгиликларни кўриш

Olamsport ни Facebook да ўқиш
учун "Yoqdi"ни босинг