08 апр 15:34
Янгиликлар

Хоккей

"Колорадо" хоккейчисида коронавирус аниқланди

Миллий Хоккей лигасининг "Колорадо Эвеланш" клуби хоккейчисида коронавирус аниқлангани ҳақида хабар берилди.

Ҳозирча номи ошкор қилинмаётган хоккейчининг коронавирусга топширган тест-таҳлили ижобий натижа берган. Бу билан "Колорадо"нинг COVID-19 юқтириб олган ўйинчилари сони уч нафарга етди.

Хабарда айтилишича, хоккейчи карантин ҳолатида бўлган ва жамоанинг ҳеч бир аъзоси билан мулоқот қилмаган. Умумий ҳисобда Миллий Хоккей лигасида 8 хоккейчида коронавирус аниқланган. Улардан беш нафари "Оттава" хоккейчиларидир.